Fóðurskammtar hunda og katta

Hundar: 

Almennt er ráðlagt að gefa hundum skammtaðar máltíðir sem standa í 15-20 mínútur að hámarki. Slíkt skapar góða rútínu og leyfir eftirfylgni á magni sem innbyrt er. Einnig er þessi venja öruggari varðandi að tímasetja máltíðir í tengslum við hreyfingu en ekki er ráðlagt að fóðra hund 1-2 tímum fyrir hreyfingu vegna hættu á magasnúningi og uppþembu. 

Kettir: 

Ketti má kalla svokallaða “nartara” en þeir kjósa frekar margar minni máltíðir yfir daginn og er því frekar ráðlagt að hafa ráðlagðan dagsskammt í boði, ef kötturinn er gjarn á að klára úr skálinni að dagsskammti sé þá skammtað jafnt og þétt yfir daginn. 

Hundar: 

Hvolpar frá 8 vikna - 6 mánaða: 

Almennt er ráðlagt að gefa hvolpum 3 máltíðir á dag, en það er sérstaklega mikilvægt fyrir smáhundategundir til þess að koma í veg fyrir blóðsykurfall.

Hundar frá 6 mánaða aldri: 

Almennar ráðleggingar eru tvær máltíðir á dag til þess að dreifa dagsskammti á maga og meltingu hundsins. 

Kettir: 

Því fleiri minni máltíðir - því betra. Sumum köttum hentar að bjóða aðeins stærri hluta dagskammts á kvöldin til þess að tryggja seddu yfir nóttina. En ráðlagt eru að lágmark 2-3 máltíðir á dag.

Tímasetning fóðurgjafa fer í raun eftir heimilishaldi og rútínu hvers og eins. Hinsvegar er ágætt að reyna að skipta fjölda máltíða nokkuð jafnt yfir daginn. 

Hundar: 

ATH! Mikilvægt að er að fóðra hunda ekki stuttu fyrir hreyfingu (gott að miða við amk 1-2 tíma fyrir hreyfingu ef hreyfingin er mikil). 

Að öðru leyti er mikilvægt að aðlaga fóðurgjafirnar að rútínu heimilisins. 

Kettir: 

Ef kötturinn er gjarn á að vekja heimilismeðlimi snemma morguns getur verið gott að hafa síðustu máltíð dagsins í stærra hlutfalli en fyrri máltíðir. 

Hvernig vitum við hvað við eigum að gefa dýrunum okkar mikið að borða? 

Mikilvægt er að stuðla að eðlilegu holdarfari dýranna okkar frá upphafi til þess að fyrirbyggja heilsufarsvandamál. Á fóðurumbúðum Royal Canin má m.a. sjá fóðurmagn miðað við þurrfóður eitt og sér ásamt magni ef blautfóður er gefið með. Eins er hægt að miða við virknistig dýrsins. 

Dæmi: 

Hair and skin þurrfóður fyrir ketti → 3 ára köttur í ákjósanlegri þyngd er 4 kg. Hann ætti því að borða 50g af þurrfóðri á dag eða 29g  af þurrfóðri og 1 blautfóðurspoka úr Hair and skin línunni. 

Ansi algengt er orðið að hundar og kettir fái aukabita meðfram fullri fæðu. Mikilvægt er að hafa í huga að slíkt er ekki alltaf skynsamlegt, sérstaklega á uppvaxtarárum þegar meltingarvegur er einstaklega viðkvæmur. 

Hér fyrir neðan koma nokkur ráð: 

• Takmörkum aukabita eins og hægt er - slíkt getur komið í veg fyrir meltingatruflanir og myndun óþols fyrir fæðu
• Aukabitar geta verið afar hitaeiningaríkir og eru m.a. taldir orsakavaldur mikillar ofþyngdar hunda og katta (þ.m.t. nagbein, verðlaun og aukabitar úr eldhúsi)

• Getum við notað fóðrið í þjálfun og leik? Ef svo er, þá er það besta leiðin til þess að stuðla að heilbrigðri meltingu