Karfan er tóm
Samfélagið
Samfélagið er staður þar sem hunda- og kattaeigendur geta sótt þær vörur og þjónustu sem þeir þurfa til að annast dýrin sín með öruggum hætti, tryggt velferð þeirra og heilsu, bæði andlega og líkamlega.
Samfélagið stendur fyrir velferð dýra og samvinnu við hunda- og kattaeigendur. Til samfélagsins er ávallt hægt að leita varðandi heildarumönnun hunda og katta því þar er að finna þá fræðslu, þjónustu, vörur og félagsskap sem þarf til að annast dýrið sitt. Gæta öryggis þess eða láta gott af sér leiða í þágu hunda og katta.
Samfélagið sér til þess að þarfir hunda og katta sem og eigenda þeirra séu uppfylltar með framúrskarandi vörum og sérsniðinni þjónustu sem hentar hverjum og einum með ólíka reynslu og þarfir.
Samfélagið er sýnilegt, sveigjanlegt, ávallt til staðar og aðgengilegt á þann máta sem hentar viðskiptavinum best. Samfélagið les í þarfir hunda- og kattaeigenda og finnur tilheyrandi lausnir. Samfélagið samanstendur af fjórum grunnþáttum í heildarumönnun hunda og katta.
Næring
Samfélagið leggur áherslu á sérsniðna næringu hunda og katta. Sérsniðin næring fyrir mismunandi tegundir, aldur og lífshætti er lykillinn að löngu og heilbrigðu lífi hunda og katta.
Eins skiptir þekking hunda- og kattaeigenda á mikilvægi góðrar næringar miklu máli fyrir heilsu hunda og katta. Til að stuðla að bættri næringu hunda og katta býður samfélagið upp á almennt, sérhæft og sjúkrafóður frá Royal Canin sem og næringarfræðslu til viðskiptavina.
Vellíðan
Samfélagið stuðlar að vellíðan hunda og katta. Vellíðan hunda og katta eykur lífsgæði þeirra sem og hefur jákvæð áhrif á eigendur þeirra.
Til að stuðla að bættri vellíðan hunda og katta býður samfélagið upp á þjónustu á sviði þjálfunar, umhirðu og gæslu sem og vörur frá Bio-Groom, Ever Clean, Voskes, Ancol, Leucillin og BellyLabs.
Félagsskapur
Samfélagið er félagsskapur hunda- og kattaeigenda. Hunda- og kattaeigendur hafa gaman af að hittast, bæði með og án dýranna sinna.
Samfélagið leggur því áherslu á að auka samveru og tengslanet með því að bjóða upp á fjölbreytta skemmtun og úrval viðburða.
Hreyfiafl
Samfélagið er hreyfiafl í þágu hunda og katta sem og eigenda þeirra. Til að tryggja velferð dýra og eigenda þeirra leggur samfélagið sitt af mörkum í þágu góðgerðamála, hagsmunamála og samfélagsábyrgðar.
Um 20,6% heimila halda hunda og má því áætla að þeir séu um 33 þúsund talsins. Kettir eru á um 18,3% heimila í landinu eða um 29 þúsund talsins. Þetta er því afar stór partur af íslensku samfélagi og mjög mikilvægt að hlúa vel að réttindum þeirra.
Tölur um hunda- og kattahald fengnar úr Neyslu- og lífstílskönnun Gallup fyrir síðustu 3 ár (2020-2022).
Samvera við gæludýr hefur jákvæð áhrif á okkur, bæði andlega og líkamlega. Vegna þess leggur Dýrheimar sitt af mörkum við að auka tengsl hunda og katta m.a. við börn (skóla), aldraða (hjúkrunarheimili) og sjúklinga (spítala).
Í samfélaginu starfar einnig fjöldinn allur af hjálparhundum sem gera eigendum þeirra kleift að gera betur það sem þeir taka sér fyrir hendur. Hvort sem það er fyrir sjónskertan eiganda að komast leiðar sinnar eða björgunarsveitarmann að leita í snjóflóði þá leika þessir hundar risastórthlutverk í samfélaginu. Dýrheimar aðstoðar með þeim hætti sem bestur er.