Saga dýrheima

Dýrheimar er fjölskyldufyrirtæki sem stofnað var árið 1995 til að sjá um dreifingu á vörumerkinu Royal Canin. Dýrheimar hefur verið í eigu sömu fjölskyldu sem hóf rekstur sinn í bílskúr fyrir 29 árum og er nú orðið að samfélagi hunda- og kattaeigenda í nýju húsnæði Dýrheima að Víkurhvarfi í Kópavogi. Í samfélagi Dýrheima má m.a. finna hundaskóla, heilsutékk og kaffihús þar sem gæludýraunnendur geta sest niður og slakað á, með dýrin með sér eða innan um þau. Það má vissulega segja að fyrirtækið blómstri með samheldinn hóp sérfræðinga innanhúss.

Teymið

Albert I. Steingrímsson

Hundaskóli

Hundaþjálfari

Albert hefur starfað sem hundaþjálfari frá 1993 - geri aðrir betur! Hann hefur sótt mýmörg námskeið til endurmenntunar, þjálfað ófáa hunda í hin ýmsu verkefni, skapgerðarmetið hundruði hvolpa ásamt því að vera prófdómari í spora- og hlýðniprófum á vegum HRFÍ. Hann nýtur þess núna að þjálfa hundinn sinn hana Góu milli þess sem hann gengur fjöll og kennir í hundaskóla Dýrheima.

albert@dyrheimar.is

Bjarki Hallbergsson

Vöruhús

Diploma in advanced audio engineering - s.s.r. manchester

Bjarki sér til þess að koma vörunum á rétta staði. Bjarki á tvær kisur, þær Hel og Sif ásamt hundinum Gróu. Þegar Bjarki er ekki í bláu peysunni þá er hann annaðhvort í ræktinni, að skapa tónlist eða að ferðast!

Björn Breki Halldórsson

Kaffihús - Vöruhús

Nemi

Björn Breki er fjölhæfur starfskraftur sem vinnur bæði á kaffihúsinu og í vöruhúsinu! Milli þess sem hann hleypur á milli starfsstöðva hjá okkur er hann annaðhvort í skólanum eða ræktinni. Björn Breki á loppu í hundinum Þór.

Edda Eik Vignisdóttir

Sölufulltrúi og kaffihús

Nemi í tölvunarfræði

Edda er sú sem tekur á móti öllum heimsóknunum til okkar, yfirfer pantanir og knúsar alla ferfættu vinina sem koma inn og lætur teymið vita svo við getum kíkt í knús. Edda er einlægur dýravinur og þegar hún er ekki í vinnunni má finna hana í hesthúsinu.

edda@dyrheimar.is

Guðmundur Óskar Hjaltalín

Vöruhús

Gummi er kisukall Dýrheima, hann á tvo ketti þau Anakin og Elsu ásamt chihuahua hundinum Skvísu. Gummi hefur yfirumsjón með að allt gangi smurt fyrir sig í vöruhúsinu á milli þess sem hann gengur á fjöll og slakar á í heita pottinum.

Ingibjörg Björnsdóttir

Framkvæmdastjóri

Lögfræðingur, cand.jur

Ingibjörg er konan bakvið tjöldin í öll þessi ár! Skipulögð, metnaðarfull og samstarfsfélagar þurfa sjaldan að bíða eftir því að eitthvað sé framkvæmt - enda er "núna eða strax" vinnustaðagrínið ekki bara alltaf grín! Hún eignaðist loksins drauma hundinn hann Ljóma, sem er einnig skrifstofuhundurinn okkar allra en svo á hún líka lopppu í honum Þór.

Jóhanna Líf Halldórsdóttir

Innkaupa- og markaðsstjóri

Hagfræðingur, B.sc., stafrænn markaðssérfræðingur

Jóhanna gæti einnig verið hlaupastjóri Dýrheima en hún er meðal annars yfir sýningarþjónustu okkar. Jóhanna er oft kölluð "mamaJo" en hún sér til þess að allt sé hreint, vel upp raðað og að samfstarfsfélagar séu ávallt saddir í vinnunni þegar þeir laumast á kaffihús Dýrheima. Jóhanna á um það bil loppu í hundinum Þór.

johanna@dyrheimar.is

Lilja Bjarnadóttir

Instagram - Samfélagsmiðlar

Tölvunarfræðingur

Lilja er í svokölluðu "black and tan" liði - en hún á hundinn Drago ásamt smærri félögum hans Erró og Nagla. Lilja gæti sagt okkur sögur af Drago í 4 vikur samfleytt án þess að draga andann, en auk þess er hún einstaklega næm á framsetningu og myndun efnis fyrir samfélagsmiðlana okkar!

Ólafur Einir Birgisson

Sölustjóri

Ólafur Einir eða Óli eins og við köllum hann dagsdaglega er heilsunörd í húð og hár. Hann brennur ekki bara fyrir heilsu dýra heldur sérhæfir hann sig í að halda fólki í formi en einnig á hann tvo sæta pug hunda! Við reynum að taka lífsstíl og hugarfar Óla til fyrirmyndar!

oli@dyrheimar.is

Theodóra Róbertsdóttir

Fræðslustjóri, vísindamiðlun - Heilsutékk, ráðgjöf

Dýrahjúkrunarfræðingur, Award of Merit in Nutrition /BSAVA

Theodóra er fædd í hvolpakassanum og á í dag hundana Matthildi og Kjartan ásamt kisunni Karlottu. Það kom ekki mörgum á óvart að dýrahjúkrun hafi orðið fyrir valinu og nýtur hún sín nú í að ráðleggja hunda- og kattaeigendum varðandi heilsu og næringu. Þegar Theodóra er ekki í vinnunni þá má helst finna hana á hundasýningum að læra að verða dómari, úti í náttúrunni eða að þjálfa hundana sína.

theodora@dyrheimar.is

Tinna Stefánsdóttir

Hundaskóli - dagvistun

Tinna er hægri hönd hundaskólans og er umsjónarmaður sérstakrar dagvistar. Hún er hundahvíslari með meiru sem elskar fátt meira en að sinna velferð, viðrun og knúsi ferfættra gesta Dýrheima.

tinna@dyrheimar.is