Karfan er tóm
Gjöf til Kattholts - Royal Canin, Leucillin og Biogroom
Dýrheimar leggja mikla áherslu á mikilvægi heilsu og vellíðan allra katta og hunda. Við styðjum mikilvæg málefni sem hafa bein áhrif á líf dýranna og vinnum þannig að bættri líðan og velferð. Í vikunni fórum við með gjöf til Kattholts sem innihélt ýmsar vörur sem nýtast í daglegri umönnun kattanna sem þar dvelja. Í gjöfinni var fóður frá Royal Canin, Leucillin sáravökvi og Bio-Groom feldvörur.
Starfsfólk Kattholts taka hér á móti okkar sendingu með Royal Canin fóður, Leucillin, Biogroom og fleira.
Starfsemi Kattholts
Kattholt var stofnað af Kattavinafélagi Íslands árið 1976 til þess að sjá um heimilislausa ketti. Kattholt sinnir því mikilvæga starfi að veita heimilislausum köttum skjól, umönnun og umhyggju á meðan þeir bíða eftir nýjum eigendum. Hóflegt gjald er á ættleiðingu kattar, en gjaldið fer upp í almennan dýralæknakostnað sem vænta má í upphafi kattaeignar.
Kattahótel
Kattholt sinnir ekki einungis heimilislausum köttum heldur rekur einnig kattahótel í aðskilinni byggingu. Þar getur heimilisköttur vistast í lengri eða skemmri tíma á meðan eigendur eru að heiman.
Verslun
Kattholt er einnig með litla verslun í anddyrinu sínu, eins og sést á myndinni fyrir ofan. Þar má finna ýmislegt fyrir kattahald, meðal annars kattafóður frá Royal Canin en allur ágóði úr versluninni fer beint í utanumhald og umönnun kattanna sem þar búa.