Einkatími

Ég mætti með 12 vikna bichon í einkatíma hjá Albert þar sem ég bý út á landi og kemst ekki á hvolpanámskeið. Tíminn var alveg ótrúlega lærdómsríkur og gagnlegur. Ég fékk góða sýnikennslu, fullt af góðum ráðum og alveg nýja sýn á það hvernig ég þjálfa hund og tek stjórn í mismunandi aðstæðum. Á þrem vikum er hvolpurinn til dæmis farinn að hlýða innkalli í mismunandi aðstæðum og gengur vel að vera við hlið á mér í taumnum í göngutúrum. Ég stýri hvar þefpásur eru teknar milli þess sem við göngum saman á góðum hraða og sjaldan tog í taum. Mesti lærdómurinn var kannski að átta mig á að í vissum aðstæðum höfðum við verið að styrkja geðshræringu (ofsakæti) hvolpsins í stað þess að þjálfa hann í að ná stjórn á tilfinningum. Við eigum örugglega eftir að panta annan tíma fyrir framhald þegar þar að kemur. Takk fyrir okkur!

Fékk mjög góðar leiðbeiningar

Fékk frábærar leiðbeiningar um það á hvern hátt mætti bæta samskipti manns og hunds í því tilviki að hundurinn er orðinn 7 ára og við vissar aðstæður ekki 100% stjórntækur. En eftir eitt skipti hefur hann lagast mjög mikið, enda leiðbeiningar góðar fyrir mann og hund.

Mæli eindregið með honum Alberti 👌

Mjög fínn tími. Fékk aðstoð og leiðbeiningar um það sem ég þarf að vinna með hjá hundinum mínum. Góð þjónusta, mæli með.