Karfan er tóm
Afmælisveisla í Kattholti
Þann 13. september sl. hélt Kattholt afmælisveislu í tilefni þess að Kattavinafélag Íslands varð 50 ára og Kattholt 35 ára! Viðburðurinn heppnaðist einstaklega vel og var mætingin framar vonum. Salurinn fylltist af kattaáhugafólki og á köflum myndaðist röð við innganginn vegna mikils áhuga.
Veislan fór fram í sal Kattholts þar sem gestum var boðið upp á veitingar, fræðsluefni um ketti og andlitsmálun fyrir yngstu gestina. Einnig var Andrea Björk Hannesdóttir dýralæknir á staðnum og svaraði spurningum um heilsu, næringu og umhirðu katta.
Dýrheimar óska Kattholti og Kattavinafélagi Íslands innilega til hamingju með þessi tímamót og vel heppnaðan viðburð. Jafnframt þökkum við fyrir það mikilvæga starf sem félagið hefur unnið í þágu katta og kattavelferðar í gegnum tíðina!