"Kröfurnar meiri en mig hefði grunað"

júní 13, 2025 2 mínútur að lesa

„Það sem kom mér á óvart þegar ég hóf störf hjá Dýrheimum voru gæðaviðmiðin sem farið er eftir hjá Royal Canin. Kröfurnar sem Royal Canin setur í hvert skref framleiðslunnar sinnar séu langt umfram það sem ég hefði haldið og sýnir hvað þeir leggja mikið upp úr því að bjóða aðeins upp á það allra besta fyrir dýrin“ segir Ólafur Einir Birgisson, sölustjóri Dýrheima en þess má geta að frá ár­inu 1995 hafa Dýrheimar   verið umboðsaðilar Royal Can­in á Íslandi og boðið upp á fag­lega þjón­ustu, sér­vald­ar vör­ur og traust ráð til að hund­um og kött­um líði sem best. 


Lesa má viðtal við Óla, sölustjóra Dýrheima í heild sinni hér að neðan:

" Áhersla er lögð á að mæta þörfum dýrsins en næringarþarfir eru misjafnar eftir tegund, aldri stærð og lífsstíl dýrsins."

HEILSA DÝRANNA ER SETT Í FYRSTA SÆTI

Áhersla er lögð á að mæta þörfum dýrsins en næringarþarfir eru misjafnar eftir tegund, aldri stærð og lífsstíl dýrsins. Áhersla er á að fóðrið stuðli að sterku ónæmiskerfi og góðri heilsu dýrsins frá upphafi. Markvisst er unnið að því að fyrirbyggja vandamál í framtíðinni, svo sem að koma í veg fyrir ofþyngd, þvagfæra- og húðvandamál sem og meltingarfæratruflanir með samsetningu næringar sem mótuð er af nýjustu rannsóknum og þróaðar af sérfræðingum.

Miniature Dachshund longhaired
Hvolpur frá Iceland's favorite ræktun

Þú veist að hverju þú gengur

Royal Canin leggur ríka áherslu á stöðugleika í uppskriftum og framleiðslu, þannig má tryggja stöðugleika í næringu fyrir dýrið þar sem ekki má greina óþarfa breytingu milli framleiðslulota. Eins eru framkvæmd ótal próf sem ekki eru gerðar alþjóðlegar kröfur um sem tryggja að fóðrið sé meðal annars laust við oxun og myglueitur sem er mikilvægt fyrir meltingu dýranna til lengri tíma.

Mikilvægi næringar

Mikilvægi fóðurs er oft vanmetið, en rétt samsett næring getur haft áhrif á allt frá ónæmiskerfi og orku til húðar og feldar. Hundar og kettir þurfa fjölbreytt næringarefni og það er ekki alltaf einfalt að lesa úr innihaldslýsingum eða næringargildum og velja rétt úr því stóra úrvali sem býðst í dag. Vísindalega þróað fóður, sem þróað er í samvinnu við dýralækna og næringarfræðinga, tryggir að dýrin fái þá næringu sem þau þurfa á mismunandi lífsskeiðum, við mismunandi aðstæður.

Kíktu í heimsókn!

Verslun Dýrheima er staðsett í Víkurhvarfi 5 í Kópavogi. Við bjóðum upp á faglega þjónustu og sérvaldar vörur fyrir hunda og ketti. Starfsfólk er reynslumikið og hefur sótt þjálfun í almennu heilbrigði, atferli og næringu hunda og katta sem styður við viðskiptavini okkar í réttu vali á fóðri og vörum fyrir dýrin. Verslunin er opin 9-17 mánudaga til fimmtudaga og 9-16 á föstudögum, en tilvalið er að koma í heimsókn með dýrið og fá sér kaffibolla og nýta heimsóknina í umhverfisþjálfun í leiðinni. Fyrir þau sem kjósa að versla heima við eða búa á landsbyggðinni býður vefverslunin okkar upp á sama úrval og með örfáum smellum má fá vöruna heimsenda. Með þessu tryggja Dýrheimar að eigendur hafi ávallt greiðan aðgang að öruggu fóðri, fræðslu og stuðningi. Við erum hér fyrir þig og þitt dýr.

Óli, sölustjóri Dýrheima
Óli, sölustjóri Dýrheima